ⴰⵖⵔⴷⴰ ⴷ ⵓⵎⵓⵛ

ⵜⵉⴷⴷⵓⴽⵍⴰ
ⵢⴰⵏ ⵡⴰⵙⵙ ⵉⴽⵍⴰ ⵏⵏ ⵢⴰⵏ ⵓⵖⵕⴷⴰ ⵉⵎⵥⵥⵉⵢⵏ ⴳ ⴱⵕⵕⴰ. ⵍⵍⵉⴳ ⴷ ⵉⴽⵛⵎ ⵙ ⵜⴰⴷⴷⴰⵔⵜ, ⵜⵙⴰⵇⵙⴰ ⵜ ⵉⵎⵎⴰⵙ
ⵎⴰⵏⵉ ⴳ ⵏⵏ ⵜⴽⵍⵉⵜ ⴰⵔ ⵖⵉⵍⴰ 
- ⴰⵔ ⵜⵜⵉⵔⴰⵔⵖ ⵓⵎⴷⴷⴰⴽⵯⵍ ⵉⵏⵓ ⴰⵎⴰⵛⵓ
- ⵎⴰⵅ ⵓⵔ ⵜⵙⵙⵉⵏⵜ ! ⴰⵖⵕⴷⴰ ⴷ ⵓⵎⵓⵛⵛ ⵓⵔ ⵊⵊⵓⵏ ⴳⵉⵏ ⵉⵎⴷⴷⵓⴽⴽⴰⵍ !
- ⵎⴰⵅ ? ?
- ⴰⵛⴽⵓ ⵉⵖ ⵢⵓⴼⴰ ⵓⵎⵓⵛⵛ ⴰⵖⵕⴷⴰ ⴰⵔ ⵜ ⵉⵛⵜⵜⴰ ! ⵖⵎⴽⴰⵏ ⴰ ⵅⴼ ⴷ ⵉⵇⵇⴰⵏ ⴰⴷ ⵙⵓⵍ ⴷⵉⴷⵙ ⵓⵔ ⵜⵜⵉⵔⴰⵔⵜ.
- ⵡⴰⵅⵅⴰ ! ⵜⴰⵏⵎⵎⵉⵔⵜ ⵅⴼ ⵉⵙⵙⴼⵔⵓⵜⵏ ⴰⴷ ⵉⵎⵎⴰ ⵉⵏⵓ ⵃⵏⵏⴰⵏⵓ
ⴰⵎⵓⵛⵛ, ⵖⴷ ⵏⵜⵜⴰⵏ ⵜⵙⵇⵙⴰ ⵜ ⵢⵉⵎⵎⴰⵙ ⵎⴰⵏⵉ ⴳ ⵏⵏ ⵜⴽⵍⵉⵜ ⴰⵔ ⵖⵉⵍⴰ. ?
- ⴰⵔ ⵜⵜⵉⵔⴰⵔⵖ ⴷ ⵓⵎⴷⴷⴰⴽⵯⵍ ⵉⵏⵓ, ⴰⵖⵔⴷⴰ
- ⵎⴰⵅ ⵓⵔ ⵜⵙⵙⵉⵏⵜ ! ⴰⵎⵓⵛⵛ ⴷ ⵓⵖⵔⴷⴰ, ⵓⵔ ⵊⵊⵓⵏ ⴳⵉⵏ ⵉⵎⴷⴷⵓⴽⴽⴰⵍ !
- ⵎⴰⵅ? ?
- ⴰⵛⴽⵓ, ⵏⴽⵏⵉⵏ ⵏ ⵉⵎⵓⵛⵛⴰ ⴰⵔ ⵏⵛⵜⵜⴰ ⵉⵖⵕⴷⴰⵢⵏ ! ⵖⵎⴽⴰⵏ ⴰ ⵅⴼ ⴷ ⵉⵇⵇⴰⵏ ⴰⴷ ⵜⵛⵛⵜ ⴰⵎⴷⴷⴰⴽⴽⵯⵍ ⵏⵏⴰ ⵏⵏⴽ. ⴰⵙⴽⴽⴰ !
- ⵡⴰⵅⵅⴰ ! ⵜⴰⵏⵎⵎⵉⵔⵜ ⵅⴼ ⵉⵙⵙⴼⵔⵓⵜⵏ ⴰⴷ ⴰ ⵉⵎⵎⴰ ⵉⵏⵓ ⵃⵏⵏⴰⵏⵓ !
ⵍⵍⵉⴷ ⴰⵙⴽⴽⴰ, ⴰⵔ ⴷ ⵉⵜⵜⵏⵇⵇⴰⵔ ⵓⵎⵓⵛⵛ ⵜⵉⴼⵍⵓⵜ ⵏ ⵜⴰⴷⴷⴰⵔⵜ ⵏ ⵓⵖⵕⴷⴰ :  ⴼⴼⵖ ⴷ ⴰ ⴰⵎⴷⴷⴰⴽⴽⵯⵍ ⵉⵏⵓ ⴰⴷ ⵏⵉⵔⴰⵔ !
- ⵓⵀⵓ ! ⵓⵔ ⴰⴷ ⵏⵏ ⴼⴼⵖⵖ, ⴰⵛⴽⵓ ⵉⵙⵙⴼⵔⵓⵜⵏ ⵏⵏⴰ ⵉⵍⵍⴰⵏ ⴳ ⵢⵉⵅⴼ ⵏⵏⴽ, ⴰⴷ ⵉⵍⵍⴰⵏ ⴳ ⵡⵉⵏⵓ !